De other day was Good Friday and all dem rum shop close up. Even dem food place and dem shop close because de law tell dem shop owners that if dem open is straight to jail dem going. Suh all dem boys who did want a drink had to wait till six o’clock when dem place open.When is election time dem same shop does close from six to six and now is Good Friday dem close from six to six. Dem boys seh that dem vex because dem is no Christian and dem ain’t got right to accept wha dem white man lef.Dem is Hindu and dem is Muslim. Dem got to drink dem rum any day except when is dem holy day. And wha got dem boys moir? vex is that when dem Hindu and Muslim got dem holiday nobody don’t shut down de rum shops.Things was really bad because de shut down dem masjid too. Dem nearly had a riot. Dem boys seh that this nonsense got to done next year or else is trouble. Is de same thing wid election. Who got to vote ain’t got to drink but all who don’t care bout elections got a right to go in a rum shop any time.But while dem boys thinking bout run pun Good Friday dem people in de government deciding that dem gun stop commissioning anything because de Waterfalls paper always peeping and finding out de real cost.De hydroclave price get skin up and is only time before dem boys check out wheh de rest of de money gone.However,China Jerseys Cheap, dem have one problem. Dem boys seh that dem same people who want to stop de commissioning like fuh see dem picture in de paper. Dem have only one way fuh get dem picture n de paper. Dem got to stop thiefing.If dem stop de commissioning and try fuh do things in secret dem boys gun get Uncle Donald to investigate. Jail waiting.Talk half and don’t thief de other half.