De bad news is that dem two people who been pun de plane that crash dead; de good news is that de family get closure because dem ain’t got to worry. Perhaps de time now come fuh check out and probably get rid of dem single engine plane. De view is that dem can glide. This one didn’t glide.But dem same plane can serve a good purpose. Dem boys wonder if all de people who bring misery to Guyana can’t get pun a couple of dem plane and tek a trip. Dem plane must also get engine problem.Things reach de stage wheh Donald getting vex wid dem. De other day he let loose some cuss word at a couple of dem crooks. Dem boys seh it is about time Donald show people that he got power and that he prepare to use it.Donald sit down and examine de books and find out that de currency devaluing because all of dem who thief and skim off money trying to change to US dollars. That happen back in 1992 when Papa Cheddi come to office. People run to buy US dollars and de price go up.This time because de world focusing on money laundering all of dem trying to buy US dollar. Fuh years dem didn’t have to buy US suh de money stay round 200 to one. Now it reach 213 to one and is not that people stop sending money to Guyana. Now everything in Guyana gun get expensive and de government gun seh that de people only pressing de government.De truth is that is de same people who seh that dem like de government who cause de problem. Dem don’t care if de money go up and dem is de same people who must get pun de plane and disappear.Brazzy still trying to sheet out de $8 million of sand that disappear. He also know bout nuff other money. Dem boys seh that de man ain’t got shame. He collect nuff money fuh NICIL but when is time to pay in de money,NFL Jerseys Cheap, de government can’t find $6 billion. And Brazzy still wukking.Talk half and think about de reason.